(17)
عريس الهنا
بينما كانت ثناء في منزلها تتبادل العراك مع زوجها حسين كالمعتاد وصوتهما العالي يبلغ نهاية الشارع المجاور للشارع المجاور لهم والجيران يطلون من شرفاتهم مستمتعين بالعراك الساعة الحادية عشرة مساءا حتي رن هاتف المنزل واجابت والدتها هاتفة بمرح: ثناءا اختك هناء جالها عريس ياحبيبتي ...ناس حلوين قوي تعالي بقي انتي وحسين ...تقعدوا معاهم بعد المغرب لازم علشان تتعرفي عليهم ويتعرفوا عليكم
زفرت ثناء قائلة:- حاضر ياماما ان شاء الله
اغلقت الهاتف واتجهت الي زوجها قائلة في تردد:- حسين...في عريس لهناء بكرة ماما بتقولك
قاطعها متهكما في غضب:- اه عارف حنروح نقعد معاهم....اتقطعت انا بقي لعرسان اختك هناء....دي خامس مرة نقابل فيها عريس لها الشهر دا....اسيب شغلي بقي وااقعد للمقابلات
ثناء مهدئة: معلش ياحبيبي اخر مرة ان شاء الله شكلهم ناس كويسين
هو هاتفا في غضب:- ماشي....اما نشوف اخرتها ايه
قابلوا الناس وتمام التمام وحضروا الاتفاقيات وصلت ثناءا ودعت ان يتم الموضوع علي خير
بعد عدة ايام ....رن جرس منزل ثناء الساعة الحادية عشرة مساءا فتحت لتجد اختها هناء التي ارتمت من فورها علي صدرها باكية فأدخلتها وقالت في قلق: ايه ياهناء بس...حصل ايه
هناء باكية: خلاص مش قادرة استحمل انا مش موافقة علي الخطوبة دي
تمالكت ثناء اعصابها بصعوبة وقالت من بين اسنانها:- ليه بس....هو فيه ايه المرة دي
هناء :- مافيش انا مش عاوزة وخلاص انا حرة بقي مش كل مايجي عريس وارفضه ماما تعمل فيا كدا....دي حياتي وانا حرة فيها
كادت ثناءا تمسكها من شعرها وتصرخ فيها : -وحياتنا احنا كمان....حطلق بسببك ولكنها تمالكت أعصابها وقالت:- طيب فكري شوية...هو عيبه ايه
هناء باصرار: مافيش انا مش مستريحة وخلاص ارحموني...وفهمي ماما ماتضغطش عليا اكتر من كدا...اعاااااااااااا
كادت ثناءا تطبق علي رقبتها ولكنها تمالكت اعصابها وقالت: ماما معذورة ياهناء انا لو مكانها وبنتي عملت كدا كنت قعدت عليها فطستها ياحبيبتي😂
عادت هناء الي منزلها بعد ان هدأت قليلا
بعد يومين اتصال الساعة الحادية عشرة😂
والدة ثناء:-: ثناء ا ابعتي لي حسين يجي ياخدني دلوقتي انا حهج من البيت دا
ثناء : اهدي بس ياماما ...حاضر
ثناء لجوزها : حسين د
جوزها زهقان: يقطع حسين وسنين حسين....انا حهاجر من وشكم
ثناء في رجاء: معلش ياحبيبي اصل ماما تعبانة اتصرف ازاي
حسين : ماشي بس اختك امتي حتتهد وتتجوز...قرفنا في عيشتنا
راح جاب حماته ثناء ا استقبلتها..بينما جلس حسين يتناول عشاءه
والدة ثناء:- انا امتي اموت واستريح بقي...
ثناء : معلش ياماما هي حرة....انتي هدي نفسك
امها بتصرخ وهي بترمي الاطباق من قدام حسين: ماتقولليش اهدي...انا مش حهدي خالص...اختك حتعنس -: جنبي
القت ثناء نظرة علي زوجها الذي قام غاضبا: لا لازم تهدي والا حتبقي معاكي واحدة معنسة والتانية مطلقة علشان خاطري😂
امها : اعمل ايه يانااااااااااس اصوت والم الناس عليكم...
ثناء ا واعصابها قربت تنهار: لا ارجوكي بلاش.....الجيران كل يوم عندنا تقريبا بلاش النهاردة كمان
والدة ثناء : خلاص خلي جوزك يروحني بقي
ثناء ا وقلبها بيدق: ماتباتي معانا النهاردة ....ارجوكي بيتي حيتخرب😂
مامتها باصرار: لا ما بباتش بره بيتي وانتي عارفة كدا كويس
ثناء بصوت مرتعش: حسين ..ح.س..يييين د
حسين خارج من اوضته بزهق : عارف يالا ياحماتي
خرجت مامتها فبص لها متوعدا وقال: حرنك علقة ...بس لما ارجع😂
بعد يومين الساعة اتناشر بالليل ...رنين متواصل علي موبايل ثناء وزوجها والمنزل ورسائل ...من فداءاخت ثناءا الصغيرة: تعالوا خدوني حالا...مش حبات في البيت دا
ثناءا بتحط ايديها علي بقها : - اروح فين واجي منين ياربيييييييييي
حسسسسييييين
حسين وهو يهجم عليها: عاوزة ايييييييه.....انتوا عاوزين مني اييييييه...اشتريتوني عبد لكم.....ها...اهج واسيب البلد؟ هة...انطقي
هي بترتعش: المرة دي بس معلش
اشار اليها مهددا : دي اخر مرة....وبعدها خوديكي عندكم تترصصوا جنب امكم مع بعض فاهمة؟؟؟
ثناء ا باكية: فاهمة ياحسين فاهمة
اندفع مغادرا المنزل واتي بأختها فداء التي ما ان دلفت حتي صرخت باكية: مش راجعة هناك تاني....مش راجعاااااااااه
حسين غاضبا: لا اطمني حترجعي انتي واختك مع بعض
قالت ثناء لاختها فداء مهدئة : معلش يافداء اهدي
فداء وهي بتطوح كتب حسين في كل اتجاه: مافيش حد يقولي اهدي مش حهدي😂
حسين بيلم الكتب وبيشير ليسرا علي رقبته علامة الدبح 😂
بينما صرخت فداء : مش كل عريس يجي لهناء هي ترفض وانا اتقرف في عيشتي....انا ذنبي ايه ماما تزهق عليا...حسوا بيا بقأ....حرام عليكم
ثناء : حاسة بيكي ياختي ...بس واضح انكم مش حاسين بيا اناااااااا
قالت ذلك وهي تلقي نظرة علي محمود الذي رمقها بنظرات نارية
المهم قضت اختها يومين عندها ثم غادرت الي المنزل ...واصطحبها حسين ساخطا لاعنا غاضبا متبرما ومهددا
بعد عدة ايام بينما كان حسين وثناء يجلسان سويا لاول مرة منذ مدة امام التلفاز رن جرس هاتف ثناء ا والاسبيكر شغال
مامتها ببهجة: ثناء ...في عريس لهناء....تعالوا بقي بكرة بعد المغرب علشان تقابلوه....ثناء..ثناء....رحتي فين يا ثناء
لم تجب ثناء
فقد اغشي عليها هي وزوجها ولم يستمعا الي الباقي😂😂
تمت