(18)
قسوة وألم
استيقظ حسين من نومه مبكرا والقي نظرة خاطفة علي ثناء التي استغرقت في نوم عميق مطلقة شخير يصل الي الطابق السابع عشر فهز رأسه محنقا قبل ان يرتدي ملابسه ويذهب الي عمله
وفي العمل قال لعم عبده عامل البوفيه: اعملي شاي تقيل يا عم عبده وحياه ابوك
قال زميله متعجبا: شاي علي الصبح كدا...لازم تفطر الاول
قال حسين : لا اتعودت علي كدا من زمان
قال زميله في حماسة: اكبر غلط...وجبة الفطار اهم وجبة في اليوم كله...زوجتي لاتدعني اخرج الا بعد الافطار وليس هذا فقط بل تعد لي ساندوتشات وعصير لاخذهم معي الي العمل
عقد حسين حاجبيه لحظات قبل ان يقول: بقي كدا
قال زميله متحمسا وهو يخرج لفافة كبيرة من حقيبته : انظر...ساندوتشات كل يوم نوع ومشروب وعصير...غير الفاكهة التي تضعها لي جاهزة علي الاكل
قال حسين : بقي كدا
اجابه زميله: بالطبع وليس هذا فقط...بل تصر ان تضع حلوي ايضا لانها تعلم ان سكري ينخفض في العمل
حسين وقد احمر وجهه غضبا: بقي كدا
زميله: ليت الامر يقتصر علي هذا. بل انها تضع لي مياه معدنية وتقسم علي الا اشرب مياه في العمل...قد تكون ملوثة
حسين وهو يقوم: بقي كدا
زميله متعجبا: ايه علقت علي بقي كدا بقي كدا في ايه
حسين وهو يحمل حقيبته مهرولا للخارج: مافيش
زميله: علي فين ...لسة الشغل مابدأش
حسين : مش حتزفت علي عيني...انامروح😂
وفي البيت دخل حسين هاتفا: ياثنااااااااء أنتى ياثناااااااء أنتى فين ياهانم؟
ثناء اتية من المطبخ :- أنا اهو ياحسين فى ايه ياحبيبى خضتنى
هو هائجا: انتي لسة شفتي حاجة ياهانم....انتي بتستغفليني؟؟؟
😂ثناء: ايه في ايه بس
هو : في اني انك بتضحكي عليا..عايش معاكي بقالي سنين وانتي بتستغفليني...علشان ما انا طيب ومابدقش سوقتي فيها بقي لكن لاااااااا لا ياهانم فوقي
هي : في ايه بس؟؟ ايه اللي حصل فهمني
هو صائحا باعلي صوته: بقي انا تنزليني كل يوم من غير فطار؟؟؟
سألته متعجبة: طيب ايه المشكلة؟؟؟
هو غاضبا: بتسألي فين المشكلة ؟ طبعا ماهو مش مهم عندك صحتي ولا اجوع ولا حتي اموت....انتي مابتشوفيش اصحابي زوجاتهم بيعملوا لهم ايه ....وانا مراتي نايمة في العسل ....لا ....لا
هي بتعيط: طيب انت عاوز ايه😂
هو: اسمعي زمن الطرمخة والنوم والدلع انتهي...كل يوم من الفجر تقومي تشوفيني عاوز ايه قبل ما انزل علي الشغل...تعملي لي فطار...وعاوز ساندوتشات كل يوم نوع مختلف وعصير فريش كل يوم نوع...وشاي وازايز مية معدنية وكيك...كل يوم نوع...انتي فاهمة ولا افهمك بطريقة تانية
هي: فاهمة ياخويا فاهمة😂😂😂
هو: والمحروق اللي انتي شايلاه ليل نهار دا حكسره لو جيت لقيتك بترغي فيه تاني...تمام
هي بتبكي: فاهمة
هو: ولو خصل وماقومتيش من النوم بهدوء تلمي هدومك وعلي عندكم....خلاص
هي: خلاص اهئ اهئ اهئ....ياظالم ياقاسي😂😂😂😂😂
تمت