(21)
درس دلع
قالت ثناء في قلق: يعني في امل يادكتورة
قالت الدكتورة في ثقة: بصي دايما في امل طول بس لازم تكون عندنا الارادة في التغيير ...يعني طول ما انتي ماشية قولي لنفسك انا انثي ..انا انثي لغاية ما الانوثة تنبثق من داخلك 😂:
ثناء : حاضر...انا انثي انا انثي انا انثاااااااااااه
هتفت الدكتورة: في بيتك ياروحي مش هنا مش عاوزين فضايح
ثناء : اوك
الدكتورة: ودلوقتي نيجي للمشية الست لازم تكون دلوعة في كل حاجة حتي المشية....مثلا وانتي داخلة عليا عذرت جوزك من اولها ...دي مش مشية انثي ...دي مشية عسكري جاي يقبض علي حد متلبس....انا نفسي اتخضيت 😂
لازم المشية تكون بهدوء مع ميل لليمين وللشمال زي كدا بالظبط
قامت ثناء مقلدة الدكتورة في حماسة فهتفت الدكتورة من بين اسنانها: انا ماقلتش ترقصي يا ثناء ....انا قلت تمشي بس بميل ...ماتهزيش وسط خالص ..لسة حنتكلم عن الرقص في جلسة منفصلة
ثناء : حاضر انا فهمت
الدكتورة: طيب وريني مشيتك الانثوية كدا؟
ثناء في حماسة: اوك
صرخت الدكتورة: دي بالظبط مشية اللي عنده شلل رعاش ...مرعوشة ليه كدا ...ايه القرف دا النهاردة
ثناء في احباط : خلاص
الدكتورة: عموما كل حاجة حتيجي بالتعود والمشية مش حتتظبط الا لما تلبسي خاجة بكعب وبالتالي كوتشي اميجو اللي بينور اللي انتي داخلة عليا بيه دا لازم تبدليه بصندل بكعب او بوت بكعب
ثناء : ماشي
الدكتورة:نتكلم بقي عن الضحكة....عاوزة ااقولك ان ضحكة الست في بيتها مهمة جدا لحياه زوجيه مفعمة بالامل وريني بتضحكي ازاي
ثناء: هاهاهاهاهاهاهاهاها
الدكتورة: اهي الضحكة دي ماتديش اي امل ....دي ضحكة اسماعيل ياسين...بقك لازم مايتفتحش علي مصراعيه كدا 😂 ها جربي تاني
ثناء: نيهاهاهاهاهاها
الدكتورة: دي ضحكة توفيق الدقن وهو بيخطط لارتكاب جريمة....جوزك كدا حيطب ساكت بصي الضحكة دي
هيهيهيهيييييييييييييية تعرفي تعمليها
ثناء متعجبة: بس كدا بوليس الاداب حياخدني
الدكتورة بنفاذ صبرا: لا ماهو انتي مش حتطلقيها في الشارع كدا....انتي حتضحكي في بيتك بس
ثناء في حماسة: اوك ... هيهيهيهيييييييييييييية هيهيهيهيييييييييييييية هيهيهييييييييييييييييييييييييه
هتفت الدكتورة : كدا بوليس الاداب حيلمني انا ويشمع العيادة...الرحمة شوية 😂
ثناء : حاضر
الدكتورة: اخر حاجة في جلستنا النهاردة حنتكلم عن اللبس ودا مهم جدا جدا بتلبسي ايه في بيتك
ثناء بخجل : بصراحة في اوفرول مخطط كدا بلبسه دايما هو بيحبه وتحته كالسون مخطط بس الماني الصنغ 😂
ضربت الدكتورة صدرها بيدها هاتفة: اولوفروول مخطط وتحته كالسون ؟؟ وبتفرحيني بأنه الماني الصنع...حوش الدلع حوش 😂 😂 😂
اكيد جوزك هاجج بره البيت...ماهو في حمار وحشي بيرطع معاه فيه 😂
همت ثناء بالاحتجاج فهتفت الدكتورة: انتي اول ماتروحي تتبرعي بالاوفرولات بتاعتك المخططة لحديقة الحيوان اهي تدفيهم في الشتا
ثناء فى استنكار: اتبرع بيهم ؟ ياحومتي؟؟؟
شهقت الدكتورة في رعب: ياحومتي؟؟؟ ...
لا انتي عاوزة عشر جلسات علي الاقل لتحسين الالفاظ ...سيبي الفين حنيه تحت الحساب شكلك حتتعبيني
قبل ان تعقب هدي رن موبايل الدكتورة فالتقطته هاتفة في توتر: نعم ...ايوة يا سعيييييييد في اييييييييييييييه انا في الشغل دلوقتي
ارتفع حاجبا ثناء وهي تتأمل ملامح الدكتورة الوديعة التي انقلبت في لحظة الي النقيض وهي تواصل: الفت والكوارع عندك في التلاجة سخن وكل ...ومش كل شوية حد فيكم يتصل بيا هنا...انا مش قاعدة بلعب ...وخلي بالك من الشقة اللي لسة منظفاها انت والعيال احسن لو رجعت لقيتها وسخة حصور لكم قتيل جتكو قرف وأغلقت الهاتف والتفتت الي ثناء التى تأملتها مشدوهة للخظات قبل أن تنفجر باكية: مافيش فايدة مافيش امل
😂 😂 تمت