(9)
المأخوذة
طلقيني منه ياماما...طلقيني منه الان اهئ اهئ اهئ
قالت امها وهي تضمها الي صدرها في لهفة: في ايه بس يابنتي وحدي الله...
ثناء وهي تتشعتف: لا اله الا الله..بس انا خلاص مش قادرة استحمل اكتر من كدا...انا تعبت ياماما تعبت خلاص
امها في جزع: ليه هو انتي لحقتي ؟ انتي مابقالكيش اسبوعين متجوزة...استهدي بالله يابنتي
ثناء وهي تنتحب: انتي مافهمتنيش ان الجواز كدا خالص...انا كنت فاكرة الجواز اخرج مع جوزي ونتفسح ونعيش ونشوف دنيا...اتاريه كله اخذ ...انا تعبت
هتفت امها متعجبة: يعني ايه اخذ....الجواز اخذ وعطاء يابنتي😂
ثناء وهي بتصوت: لا اخذ بس...انا طول الوقت متاخدة....انا تعبانة ياماما
امها وهي بتضرب علي صدرها بايدها: ياضناي يابنتي؟ متاخدة؟ متاخدة من ايه ياكبدي....ايه اللي بيخضك يا نضري
ثناء بتبكي بعصبية: مش مخضوضة ياماما ...افهمي بقي ...هو بياخدني
امها: بياخدك فييييييين؟؟؟؟انا مش فاهمة حاجة في يومك دا😂
ثناء : حقولك...وبدات تشرح لها
فقالت امها : وايه المشكلة ياهبلة مادا الطبيعي ياختي ...امال انتي كنتي فاكرة ايه ...دلع وتنطيط وبس
...ثناء: بس انتي مافهمتنيش كدا....
امها بغضب: افهمك ايه ياموكوسة....بت انتي انتي حتجننيني
هتفت ثناء باكية: كنتي قلتي لي علي الوضع دا....ليه ماصارحتنيش ياماما اعاااااااااااااااا
امها بقرف وهي تشير اليها: عارفة لو قفلتيش بقك دا...حجيبك من شعرك...انا عارفة بياخدك ازاي بمنظرك دا😂
ثناء بتبكي بحرقة
امها بشوية رفق: اسمعي ياثناء كل الرجالة كدا ياحبيبتي ولازم نستحمل ونعدي....دول مالهمش غير اكل وشرب ونوم واخد😂
قبل ما ثناء تفتح بقها رن جرس التلفون فالتقطت امها السماعة قائلة: الو. ايوة يا حسين ازيك يابني...ثناء هنا اهي
حسين : خلاص حعدى اخدها.....
قاطعته امها هاتفة في غضب: نعم ؟ هي حصلت تاخدها في بيت ابوها كمان؟؟؟؟؟؟ لا كدا كتييير😂😂
هتف في عصبية: حاخدها علي بيتنا ياطنط في ايه
هدأت حدتها قائلة: اه اذا كان كدا ماشي
قفلت معاه وقالت لبنتها:ثناء جوزك جاي ياخدك علي بيتكم.
...ثناء: ربنا ياخدني ويريحني
امها: يالا علشان انا كمان ابوكي جاي ياخدني😂
التفتت اليهاثناء وبرقت وقبل ماتنطق صرخت امها : حديكي بالقلم علي وشك جاي ياخدني مشوار ...قفلتيني من الكلمة جتكم قرف
ثناء: بس انا مش عاوزة اروح معاه....شوفي لي حل
امها : الحل عزرائيل ياخدك ونرتاح😂
تمت